चौपाई
भरत बचन सुनि देखि सनेहू। सभा सहित मुनि भए बिदेहू।।
भरत महा महिमा जलरासी। मुनि मति ठाढ़ि तीर अबला सी।।
गा चह पार जतनु हियँ हेरा। पावति नाव न बोहितु बेरा।।
औरु करिहि को भरत बड़ाई। सरसी सीपि कि सिंधु समाई।।
भरतु मुनिहि मन भीतर भाए। सहित समाज राम पहिं आए।।
प्रभु प्रनामु करि दीन्ह सुआसनु। बैठे सब सुनि मुनि अनुसासनु।।
बोले मुनिबरु बचन बिचारी। देस काल अवसर अनुहारी।।
सुनहु राम सरबग्य सुजाना। धरम नीति गुन ग्यान निधाना।।
दोहा/सोरठा
सब के उर अंतर बसहु जानहु भाउ कुभाउ।
पुरजन जननी भरत हित होइ सो कहिअ उपाउ।।257।।
चौपाई
आरत कहहिं बिचारि न काऊ। सूझ जूआरिहि आपन दाऊ।।
सुनि मुनि बचन कहत रघुराऊ। नाथ तुम्हारेहि हाथ उपाऊ।।
सब कर हित रुख राउरि राखें। आयसु किएँ मुदित फुर भाषें।।
प्रथम जो आयसु मो कहुँ होई। माथें मानि करौ सिख सोई।।
पुनि जेहि कहँ जस कहब गोसाईं। सो सब भाँति घटिहि सेवकाईं।।
कह मुनि राम सत्य तुम्ह भाषा। भरत सनेहँ बिचारु न राखा।।
तेहि तें कहउँ बहोरि बहोरी। भरत भगति बस भइ मति मोरी।।
मोरें जान भरत रुचि राखि। जो कीजिअ सो सुभ सिव साखी।।
दोहा/सोरठा
भरत बिनय सादर सुनिअ करिअ बिचारु बहोरि।
करब साधुमत लोकमत नृपनय निगम निचोरि।।258।।
चौपाई
bharata bacana suni dēkhi sanēhū. sabhā sahita muni bhaē bidēhū..
bharata mahā mahimā jalarāsī. muni mati ṭhāḍhai tīra abalā sī..
gā caha pāra jatanu hiyaom hērā. pāvati nāva na bōhitu bērā..
auru karihi kō bharata baḍaāī. sarasī sīpi ki siṃdhu samāī..
bharatu munihi mana bhītara bhāē. sahita samāja rāma pahiṃ āē..
prabhu pranāmu kari dīnha suāsanu. baiṭhē saba suni muni anusāsanu..
bōlē munibaru bacana bicārī. dēsa kāla avasara anuhārī..
sunahu rāma sarabagya sujānā. dharama nīti guna gyāna nidhānā..
चौपाई
ārata kahahiṃ bicāri na kāū. sūjha jūārihi āpana dāū..
suni muni bacana kahata raghurāū. nātha tumhārēhi hātha upāū..
saba kara hita rukha rāuri rākhēṃ. āyasu kiēom mudita phura bhāṣēṃ..
prathama jō āyasu mō kahuom hōī. māthēṃ māni karau sikha sōī..
puni jēhi kahaom jasa kahaba gōsāīṃ. sō saba bhāomti ghaṭihi sēvakāīṃ..
kaha muni rāma satya tumha bhāṣā. bharata sanēhaom bicāru na rākhā..
tēhi tēṃ kahauom bahōri bahōrī. bharata bhagati basa bhai mati mōrī..
mōrēṃ jāna bharata ruci rākhi. jō kījia sō subha siva sākhī..
