चौपाई
जगु भय मगन गगन भइ बानी। लखन बाहुबलु बिपुल बखानी।।
तात प्रताप प्रभाउ तुम्हारा। को कहि सकइ को जाननिहारा।।
अनुचित उचित काजु किछु होऊ। समुझि करिअ भल कह सबु कोऊ।।
सहसा करि पाछैं पछिताहीं। कहहिं बेद बुध ते बुध नाहीं।।
सुनि सुर बचन लखन सकुचाने। राम सीयँ सादर सनमाने।।
कही तात तुम्ह नीति सुहाई। सब तें कठिन राजमदु भाई।।
जो अचवँत नृप मातहिं तेई। नाहिन साधुसभा जेहिं सेई।।
सुनहु लखन भल भरत सरीसा। बिधि प्रपंच महँ सुना न दीसा।।
दोहा/सोरठा
भरतहि होइ न राजमदु बिधि हरि हर पद पाइ।।
कबहुँ कि काँजी सीकरनि छीरसिंधु बिनसाइ।।231।।
चौपाई
तिमिरु तरुन तरनिहि मकु गिलई। गगनु मगन मकु मेघहिं मिलई।।
गोपद जल बूड़हिं घटजोनी। सहज छमा बरु छाड़ै छोनी।।
मसक फूँक मकु मेरु उड़ाई। होइ न नृपमदु भरतहि भाई।।
लखन तुम्हार सपथ पितु आना। सुचि सुबंधु नहिं भरत समाना।।
सगुन खीरु अवगुन जलु ताता। मिलइ रचइ परपंचु बिधाता।।
भरतु हंस रबिबंस तड़ागा। जनमि कीन्ह गुन दोष बिभागा।।
गहि गुन पय तजि अवगुन बारी। निज जस जगत कीन्हि उजिआरी।।
कहत भरत गुन सीलु सुभाऊ। पेम पयोधि मगन रघुराऊ।।
दोहा/सोरठा
सुनि रघुबर बानी बिबुध देखि भरत पर हेतु।
सकल सराहत राम सो प्रभु को कृपानिकेतु।।232।।
चौपाई
jagu bhaya magana gagana bhai bānī. lakhana bāhubalu bipula bakhānī..
tāta pratāpa prabhāu tumhārā. kō kahi sakai kō jānanihārā..
anucita ucita kāju kichu hōū. samujhi karia bhala kaha sabu kōū..
sahasā kari pāchaiṃ pachitāhīṃ. kahahiṃ bēda budha tē budha nāhīṃ..
suni sura bacana lakhana sakucānē. rāma sīyaom sādara sanamānē..
kahī tāta tumha nīti suhāī. saba tēṃ kaṭhina rājamadu bhāī..
jō acavaomta nṛpa mātahiṃ tēī. nāhina sādhusabhā jēhiṃ sēī..
sunahu lakhana bhala bharata sarīsā. bidhi prapaṃca mahaom sunā na dīsā..
चौपाई
timiru taruna taranihi maku gilaī. gaganu magana maku mēghahiṃ milaī..
gōpada jala būḍahiṃ ghaṭajōnī. sahaja chamā baru chāḍaai chōnī..
masaka phūomka maku mēru uḍaāī. hōi na nṛpamadu bharatahi bhāī..
lakhana tumhāra sapatha pitu ānā. suci subaṃdhu nahiṃ bharata samānā..
saguna khīru avaguna jalu tātā. milai racai parapaṃcu bidhātā..
bharatu haṃsa rabibaṃsa taḍaāgā. janami kīnha guna dōṣa bibhāgā..
gahi guna paya taji avaguna bārī. nija jasa jagata kīnhi ujiārī..
kahata bharata guna sīlu subhāū. pēma payōdhi magana raghurāū..
