चौपाई
बहुरि सोचबस भे सियरवनू। कारन कवन भरत आगवनू।।
एक आइ अस कहा बहोरी। सेन संग चतुरंग न थोरी।।
सो सुनि रामहि भा अति सोचू। इत पितु बच इत बंधु सकोचू।।
भरत सुभाउ समुझि मन माहीं। प्रभु चित हित थिति पावत नाही।।
समाधान तब भा यह जाने। भरतु कहे महुँ साधु सयाने।।
लखन लखेउ प्रभु हृदयँ खभारू। कहत समय सम नीति बिचारू।।
बिनु पूँछ कछु कहउँ गोसाईं। सेवकु समयँ न ढीठ ढिठाई।।
तुम्ह सर्बग्य सिरोमनि स्वामी। आपनि समुझि कहउँ अनुगामी।।
दोहा/सोरठा
नाथ सुह्रद सुठि सरल चित सील सनेह निधान।।
सब पर प्रीति प्रतीति जियँ जानिअ आपु समान।।227।।
चौपाई
बिषई जीव पाइ प्रभुताई। मूढ़ मोह बस होहिं जनाई।।
भरतु नीति रत साधु सुजाना। प्रभु पद प्रेम सकल जगु जाना।।
तेऊ आजु राम पदु पाई। चले धरम मरजाद मेटाई।।
कुटिल कुबंध कुअवसरु ताकी। जानि राम बनवास एकाकी।।
करि कुमंत्रु मन साजि समाजू। आए करै अकंटक राजू।।
कोटि प्रकार कलपि कुटलाई। आए दल बटोरि दोउ भाई।।
जौं जियँ होति न कपट कुचाली। केहि सोहाति रथ बाजि गजाली।।
भरतहि दोसु देइ को जाएँ। जग बौराइ राज पदु पाएँ।।
दोहा/सोरठा
ससि गुर तिय गामी नघुषु चढ़ेउ भूमिसुर जान।
लोक बेद तें बिमुख भा अधम न बेन समान।।228।।
चौपाई
bahuri sōcabasa bhē siyaravanū. kārana kavana bharata āgavanū..
ēka āi asa kahā bahōrī. sēna saṃga caturaṃga na thōrī..
sō suni rāmahi bhā ati sōcū. ita pitu baca ita baṃdhu sakōcū..
bharata subhāu samujhi mana māhīṃ. prabhu cita hita thiti pāvata nāhī..
samādhāna taba bhā yaha jānē. bharatu kahē mahuom sādhu sayānē..
lakhana lakhēu prabhu hṛdayaom khabhārū. kahata samaya sama nīti bicārū..
binu pūomcha kachu kahauom gōsāīṃ. sēvaku samayaom na ḍhīṭha ḍhiṭhāī..
tumha sarbagya sirōmani svāmī. āpani samujhi kahauom anugāmī..
चौपाई
biṣaī jīva pāi prabhutāī. mūḍha mōha basa hōhiṃ janāī..
bharatu nīti rata sādhu sujānā. prabhu pada prēma sakala jagu jānā..
tēū āju rāma padu pāī. calē dharama marajāda mēṭāī..
kuṭila kubaṃdha kuavasaru tākī. jāni rāma banavāsa ēkākī..
kari kumaṃtru mana sāji samājū. āē karai akaṃṭaka rājū..
kōṭi prakāra kalapi kuṭalāī. āē dala baṭōri dōu bhāī..
jauṃ jiyaom hōti na kapaṭa kucālī. kēhi sōhāti ratha bāji gajālī..
bharatahi dōsu dēi kō jāēom. jaga baurāi rāja padu pāēom..
