चौपाई
सुनु सुरेस उपदेसु हमारा। रामहि सेवकु परम पिआरा।।
मानत सुखु सेवक सेवकाई। सेवक बैर बैरु अधिकाई।।
जद्यपि सम नहिं राग न रोषू। गहहिं न पाप पूनु गुन दोषू।।
करम प्रधान बिस्व करि राखा। जो जस करइ सो तस फलु चाखा।।
तदपि करहिं सम बिषम बिहारा। भगत अभगत हृदय अनुसारा।।
अगुन अलेप अमान एकरस। रामु सगुन भए भगत पेम बस।।
राम सदा सेवक रुचि राखी। बेद पुरान साधु सुर साखी।।
अस जियँ जानि तजहु कुटिलाई। करहु भरत पद प्रीति सुहाई।।
दोहा/सोरठा
राम भगत परहित निरत पर दुख दुखी दयाल।
भगत सिरोमनि भरत तें जनि डरपहु सुरपाल।।219।।
चौपाई
सत्यसंध प्रभु सुर हितकारी। भरत राम आयस अनुसारी।।
स्वारथ बिबस बिकल तुम्ह होहू। भरत दोसु नहिं राउर मोहू।।
सुनि सुरबर सुरगुर बर बानी। भा प्रमोदु मन मिटी गलानी।।
बरषि प्रसून हरषि सुरराऊ। लगे सराहन भरत सुभाऊ।।
एहि बिधि भरत चले मग जाहीं। दसा देखि मुनि सिद्ध सिहाहीं।।
जबहिं रामु कहि लेहिं उसासा। उमगत पेमु मनहँ चहु पासा।।
द्रवहिं बचन सुनि कुलिस पषाना। पुरजन पेमु न जाइ बखाना।।
बीच बास करि जमुनहिं आए। निरखि नीरु लोचन जल छाए।।
दोहा/सोरठा
रघुबर बरन बिलोकि बर बारि समेत समाज।
होत मगन बारिधि बिरह चढ़े बिबेक जहाज।।220।।
चौपाई
sunu surēsa upadēsu hamārā. rāmahi sēvaku parama piārā..
mānata sukhu sēvaka sēvakāī. sēvaka baira bairu adhikāī..
jadyapi sama nahiṃ rāga na rōṣū. gahahiṃ na pāpa pūnu guna dōṣū..
karama pradhāna bisva kari rākhā. jō jasa karai sō tasa phalu cākhā..
tadapi karahiṃ sama biṣama bihārā. bhagata abhagata hṛdaya anusārā..
aguna alēpa amāna ēkarasa. rāmu saguna bhaē bhagata pēma basa..
rāma sadā sēvaka ruci rākhī. bēda purāna sādhu sura sākhī..
asa jiyaom jāni tajahu kuṭilāī. karahu bharata pada prīti suhāī..
चौपाई
satyasaṃdha prabhu sura hitakārī. bharata rāma āyasa anusārī..
svāratha bibasa bikala tumha hōhū. bharata dōsu nahiṃ rāura mōhū..
suni surabara suragura bara bānī. bhā pramōdu mana miṭī galānī..
baraṣi prasūna haraṣi surarāū. lagē sarāhana bharata subhāū..
ēhi bidhi bharata calē maga jāhīṃ. dasā dēkhi muni siddha sihāhīṃ..
jabahiṃ rāmu kahi lēhiṃ usāsā. umagata pēmu manahaom cahu pāsā..
dravahiṃ bacana suni kulisa paṣānā. purajana pēmu na jāi bakhānā..
bīca bāsa kari jamunahiṃ āē. nirakhi nīru lōcana jala chāē..
