चौपाई
भगति जोग सुनि अति सुख पावा। लछिमन प्रभु चरनन्हि सिरु नावा।।
एहि बिधि गए कछुक दिन बीती। कहत बिराग ग्यान गुन नीती।।
सूपनखा रावन कै बहिनी। दुष्ट हृदय दारुन जस अहिनी।।
पंचबटी सो गइ एक बारा। देखि बिकल भइ जुगल कुमारा।।
भ्राता पिता पुत्र उरगारी। पुरुष मनोहर निरखत नारी।।
होइ बिकल सक मनहि न रोकी। जिमि रबिमनि द्रव रबिहि बिलोकी।।
रुचिर रुप धरि प्रभु पहिं जाई। बोली बचन बहुत मुसुकाई।।
तुम्ह सम पुरुष न मो सम नारी। यह सँजोग बिधि रचा बिचारी।।
मम अनुरूप पुरुष जग माहीं। देखेउँ खोजि लोक तिहु नाहीं।।
ताते अब लगि रहिउँ कुमारी। मनु माना कछु तुम्हहि निहारी।।
सीतहि चितइ कही प्रभु बाता। अहइ कुआर मोर लघु भ्राता।।
गइ लछिमन रिपु भगिनी जानी। प्रभु बिलोकि बोले मृदु बानी।।
सुंदरि सुनु मैं उन्ह कर दासा। पराधीन नहिं तोर सुपासा।।
प्रभु समर्थ कोसलपुर राजा। जो कछु करहिं उनहि सब छाजा।।
सेवक सुख चह मान भिखारी। ब्यसनी धन सुभ गति बिभिचारी।।
लोभी जसु चह चार गुमानी। नभ दुहि दूध चहत ए प्रानी।।
पुनि फिरि राम निकट सो आई। प्रभु लछिमन पहिं बहुरि पठाई।।
लछिमन कहा तोहि सो बरई। जो तृन तोरि लाज परिहरई।।
तब खिसिआनि राम पहिं गई। रूप भयंकर प्रगटत भई।।
सीतहि सभय देखि रघुराई। कहा अनुज सन सयन बुझाई।।
दोहा/सोरठा
लछिमन अति लाघवँ सो नाक कान बिनु कीन्हि।
ताके कर रावन कहँ मनौ चुनौती दीन्हि।।17।।
चौपाई
नाक कान बिनु भइ बिकरारा। जनु स्त्रव सैल गैरु कै धारा।।
खर दूषन पहिं गइ बिलपाता। धिग धिग तव पौरुष बल भ्राता।।
तेहि पूछा सब कहेसि बुझाई। जातुधान सुनि सेन बनाई।।
धाए निसिचर निकर बरूथा। जनु सपच्छ कज्जल गिरि जूथा।।
नाना बाहन नानाकारा। नानायुध धर घोर अपारा।।
सुपनखा आगें करि लीनी। असुभ रूप श्रुति नासा हीनी।।
असगुन अमित होहिं भयकारी। गनहिं न मृत्यु बिबस सब झारी।।
गर्जहि तर्जहिं गगन उड़ाहीं। देखि कटकु भट अति हरषाहीं।।
कोउ कह जिअत धरहु द्वौ भाई। धरि मारहु तिय लेहु छड़ाई।।
धूरि पूरि नभ मंडल रहा। राम बोलाइ अनुज सन कहा।।
लै जानकिहि जाहु गिरि कंदर। आवा निसिचर कटकु भयंकर।।
रहेहु सजग सुनि प्रभु कै बानी। चले सहित श्री सर धनु पानी।।
देखि राम रिपुदल चलि आवा। बिहसि कठिन कोदंड चढ़ावा।।
चौपाई
bhagati jōga suni ati sukha pāvā. lachimana prabhu carananhi siru nāvā..
ēhi bidhi gaē kachuka dina bītī. kahata birāga gyāna guna nītī..
sūpanakhā rāvana kai bahinī. duṣṭa hṛdaya dāruna jasa ahinī..
paṃcabaṭī sō gai ēka bārā. dēkhi bikala bhai jugala kumārā..
bhrātā pitā putra uragārī. puruṣa manōhara nirakhata nārī..
hōi bikala saka manahi na rōkī. jimi rabimani drava rabihi bilōkī..
rucira rupa dhari prabhu pahiṃ jāī. bōlī bacana bahuta musukāī..
tumha sama puruṣa na mō sama nārī. yaha saomjōga bidhi racā bicārī..
mama anurūpa puruṣa jaga māhīṃ. dēkhēuom khōji lōka tihu nāhīṃ..
tātē aba lagi rahiuom kumārī. manu mānā kachu tumhahi nihārī..
sītahi citai kahī prabhu bātā. ahai kuāra mōra laghu bhrātā..
gai lachimana ripu bhaginī jānī. prabhu bilōki bōlē mṛdu bānī..
suṃdari sunu maiṃ unha kara dāsā. parādhīna nahiṃ tōra supāsā..
prabhu samartha kōsalapura rājā. jō kachu karahiṃ unahi saba chājā..
sēvaka sukha caha māna bhikhārī. byasanī dhana subha gati bibhicārī..
lōbhī jasu caha cāra gumānī. nabha duhi dūdha cahata ē prānī..
puni phiri rāma nikaṭa sō āī. prabhu lachimana pahiṃ bahuri paṭhāī..
lachimana kahā tōhi sō baraī. jō tṛna tōri lāja pariharaī..
taba khisiāni rāma pahiṃ gaī. rūpa bhayaṃkara pragaṭata bhaī..
sītahi sabhaya dēkhi raghurāī. kahā anuja sana sayana bujhāī..
चौपाई
nāka kāna binu bhai bikarārā. janu strava saila gairu kai dhārā..
khara dūṣana pahiṃ gai bilapātā. dhiga dhiga tava pauruṣa bala bhrātā..
tēhi pūchā saba kahēsi bujhāī. jātudhāna suni sēna banāī..
dhāē nisicara nikara barūthā. janu sapaccha kajjala giri jūthā..
nānā bāhana nānākārā. nānāyudha dhara ghōra apārā..
supanakhā āgēṃ kari līnī. asubha rūpa śruti nāsā hīnī..
asaguna amita hōhiṃ bhayakārī. ganahiṃ na mṛtyu bibasa saba jhārī..
garjahi tarjahiṃ gagana uḍaāhīṃ. dēkhi kaṭaku bhaṭa ati haraṣāhīṃ..
kōu kaha jiata dharahu dvau bhāī. dhari mārahu tiya lēhu chaḍaāī..
dhūri pūri nabha maṃḍala rahā. rāma bōlāi anuja sana kahā..
lai jānakihi jāhu giri kaṃdara. āvā nisicara kaṭaku bhayaṃkara..
rahēhu sajaga suni prabhu kai bānī. calē sahita śrī sara dhanu pānī..
dēkhi rāma ripudala cali āvā. bihasi kaṭhina kōdaṃḍa caḍhaāvā..
