चौपाई
तब रघुबीर कहा मुनि पाहीं। तुम्ह सन प्रभु दुराव कछु नाही।।
तुम्ह जानहु जेहि कारन आयउँ। ताते तात न कहि समुझायउँ।।
अब सो मंत्र देहु प्रभु मोही। जेहि प्रकार मारौं मुनिद्रोही।।
मुनि मुसकाने सुनि प्रभु बानी। पूछेहु नाथ मोहि का जानी।।
तुम्हरेइँ भजन प्रभाव अघारी। जानउँ महिमा कछुक तुम्हारी।।
ऊमरि तरु बिसाल तव माया। फल ब्रह्मांड अनेक निकाया।।
जीव चराचर जंतु समाना। भीतर बसहि न जानहिं आना।।
ते फल भच्छक कठिन कराला। तव भयँ डरत सदा सोउ काला।।
ते तुम्ह सकल लोकपति साईं। पूँछेहु मोहि मनुज की नाईं।।
यह बर मागउँ कृपानिकेता। बसहु हृदयँ श्री अनुज समेता।।
अबिरल भगति बिरति सतसंगा। चरन सरोरुह प्रीति अभंगा।।
जद्यपि ब्रह्म अखंड अनंता। अनुभव गम्य भजहिं जेहि संता।।
अस तव रूप बखानउँ जानउँ। फिरि फिरि सगुन ब्रह्म रति मानउँ।।
संतत दासन्ह देहु बड़ाई। तातें मोहि पूँछेहु रघुराई।।
है प्रभु परम मनोहर ठाऊँ। पावन पंचबटी तेहि नाऊँ।।
दंडक बन पुनीत प्रभु करहू। उग्र साप मुनिबर कर हरहू।।
बास करहु तहँ रघुकुल राया। कीजे सकल मुनिन्ह पर दाया।।
चले राम मुनि आयसु पाई। तुरतहिं पंचबटी निअराई।।
दोहा/सोरठा
गीधराज सैं भैंट भइ बहु बिधि प्रीति बढ़ाइ।।
गोदावरी निकट प्रभु रहे परन गृह छाइ।।13।।
चौपाई
जब ते राम कीन्ह तहँ बासा। सुखी भए मुनि बीती त्रासा।।
गिरि बन नदीं ताल छबि छाए। दिन दिन प्रति अति हौहिं सुहाए।।
खग मृग बृंद अनंदित रहहीं। मधुप मधुर गंजत छबि लहहीं।।
सो बन बरनि न सक अहिराजा। जहाँ प्रगट रघुबीर बिराजा।।
एक बार प्रभु सुख आसीना। लछिमन बचन कहे छलहीना।।
सुर नर मुनि सचराचर साईं। मैं पूछउँ निज प्रभु की नाई।।
मोहि समुझाइ कहहु सोइ देवा। सब तजि करौं चरन रज सेवा।।
कहहु ग्यान बिराग अरु माया। कहहु सो भगति करहु जेहिं दाया।।
दोहा/सोरठा
ईस्वर जीव भेद प्रभु सकल कहौ समुझाइ।।
जातें होइ चरन रति सोक मोह भ्रम जाइ।।14।।
चौपाई
taba raghubīra kahā muni pāhīṃ. tumha sana prabhu durāva kachu nāhī..
tumha jānahu jēhi kārana āyauom. tātē tāta na kahi samujhāyauom..
aba sō maṃtra dēhu prabhu mōhī. jēhi prakāra mārauṃ munidrōhī..
muni musakānē suni prabhu bānī. pūchēhu nātha mōhi kā jānī..
tumharēiom bhajana prabhāva aghārī. jānauom mahimā kachuka tumhārī..
ūmari taru bisāla tava māyā. phala brahmāṃḍa anēka nikāyā..
jīva carācara jaṃtu samānā. bhītara basahi na jānahiṃ ānā..
tē phala bhacchaka kaṭhina karālā. tava bhayaom ḍarata sadā sōu kālā..
tē tumha sakala lōkapati sāīṃ. pūomchēhu mōhi manuja kī nāīṃ..
yaha bara māgauom kṛpānikētā. basahu hṛdayaom śrī anuja samētā..
abirala bhagati birati satasaṃgā. carana sarōruha prīti abhaṃgā..
jadyapi brahma akhaṃḍa anaṃtā. anubhava gamya bhajahiṃ jēhi saṃtā..
asa tava rūpa bakhānauom jānauom. phiri phiri saguna brahma rati mānauom..
saṃtata dāsanha dēhu baḍaāī. tātēṃ mōhi pūomchēhu raghurāī..
hai prabhu parama manōhara ṭhāūom. pāvana paṃcabaṭī tēhi nāūom..
daṃḍaka bana punīta prabhu karahū. ugra sāpa munibara kara harahū..
bāsa karahu tahaom raghukula rāyā. kījē sakala muninha para dāyā..
calē rāma muni āyasu pāī. turatahiṃ paṃcabaṭī niarāī..
चौपाई
jaba tē rāma kīnha tahaom bāsā. sukhī bhaē muni bītī trāsā..
giri bana nadīṃ tāla chabi chāē. dina dina prati ati hauhiṃ suhāē..
khaga mṛga bṛṃda anaṃdita rahahīṃ. madhupa madhura gaṃjata chabi lahahīṃ..
sō bana barani na saka ahirājā. jahāom pragaṭa raghubīra birājā..
ēka bāra prabhu sukha āsīnā. lachimana bacana kahē chalahīnā..
sura nara muni sacarācara sāīṃ. maiṃ pūchauom nija prabhu kī nāī..
mōhi samujhāi kahahu sōi dēvā. saba taji karauṃ carana raja sēvā..
kahahu gyāna birāga aru māyā. kahahu sō bhagati karahu jēhiṃ dāyā..
