Ram Charit Manas - Baal Kand Part 123
राम चरित मानस -  बाल काण्ड भाग  123


राम चरित मानस - हिन्दी
चौपाई
 प्रभुहि देखि सब नृप हिंयँ हारे। जनु राकेस उदय भएँ तारे।। 
 असि प्रतीति सब के मन माहीं। राम चाप तोरब सक नाहीं।।
 बिनु भंजेहुँ भव धनुषु बिसाला। मेलिहि सीय राम उर माला।। 
 अस बिचारि गवनहु घर भाई। जसु प्रतापु बलु तेजु गवाँई।।
 बिहसे अपर भूप सुनि बानी। जे अबिबेक अंध अभिमानी।। 
 तोरेहुँ धनुषु ब्याहु अवगाहा। बिनु तोरें को कुअँरि बिआहा।।
 एक बार कालउ किन होऊ। सिय हित समर जितब हम सोऊ।। 
 यह सुनि अवर महिप मुसकाने। धरमसील हरिभगत सयाने।।

दोहा/सोरठा
सीय बिआहबि राम गरब दूरि करि नृपन्ह के।। 
 जीति को सक संग्राम दसरथ के रन बाँकुरे।।245।।


चौपाई
 ब्यर्थ मरहु जनि गाल बजाई। मन मोदकन्हि कि भूख बुताई।। 
 सिख हमारि सुनि परम पुनीता। जगदंबा जानहु जियँ सीता।।
 जगत पिता रघुपतिहि बिचारी। भरि लोचन छबि लेहु निहारी।। 
 सुंदर सुखद सकल गुन रासी। ए दोउ बंधु संभु उर बासी।।
 सुधा समुद्र समीप बिहाई। मृगजलु निरखि मरहु कत धाई।। 
 करहु जाइ जा कहुँ जोई भावा। हम तौ आजु जनम फलु पावा।।
 अस कहि भले भूप अनुरागे। रूप अनूप बिलोकन लागे।। 
 देखहिं सुर नभ चढ़े बिमाना। बरषहिं सुमन करहिं कल गाना।।

दोहा/सोरठा
जानि सुअवसरु सीय तब पठई जनक बोलाई। 
 चतुर सखीं सुंदर सकल सादर चलीं लवाईं।।246।।


Ram Charit Manas - English
चौपाई
  prabhuhi dēkhi saba nṛpa hiṃyaom hārē. janu rākēsa udaya bhaēom tārē.. 
 asi pratīti saba kē mana māhīṃ. rāma cāpa tōraba saka nāhīṃ..
 binu bhaṃjēhuom bhava dhanuṣu bisālā. mēlihi sīya rāma ura mālā.. 
 asa bicāri gavanahu ghara bhāī. jasu pratāpu balu tēju gavāomī..
 bihasē apara bhūpa suni bānī. jē abibēka aṃdha abhimānī.. 
 tōrēhuom dhanuṣu byāhu avagāhā. binu tōrēṃ kō kuaomri biāhā..
 ēka bāra kālau kina hōū. siya hita samara jitaba hama sōū.. 
 yaha suni avara mahipa musakānē. dharamasīla haribhagata sayānē..

चौपाई
 byartha marahu jani gāla bajāī. mana mōdakanhi ki bhūkha butāī.. 
 sikha hamāri suni parama punītā. jagadaṃbā jānahu jiyaom sītā..
 jagata pitā raghupatihi bicārī. bhari lōcana chabi lēhu nihārī.. 
 suṃdara sukhada sakala guna rāsī. ē dōu baṃdhu saṃbhu ura bāsī..
 sudhā samudra samīpa bihāī. mṛgajalu nirakhi marahu kata dhāī.. 
 karahu jāi jā kahuom jōī bhāvā. hama tau āju janama phalu pāvā..
 asa kahi bhalē bhūpa anurāgē. rūpa anūpa bilōkana lāgē.. 
 dēkhahiṃ sura nabha caḍhaē bimānā. baraṣahiṃ sumana karahiṃ kala gānā..