Ram Charit Manas - Ayodhya Kand Part 133
राम चरित मानस -  अयोध्या काण्ड भाग  133


राम चरित मानस - हिन्दी
चौपाई
 सुर गन सहित सभय सुरराजू। सोचहिं चाहत होन अकाजू।। 
 बनत उपाउ करत कछु नाहीं। राम सरन सब गे मन माहीं।।
 बहुरि बिचारि परस्पर कहहीं। रघुपति भगत भगति बस अहहीं। 
 सुधि करि अंबरीष दुरबासा। भे सुर सुरपति निपट निरासा।।
 सहे सुरन्ह बहु काल बिषादा। नरहरि किए प्रगट प्रहलादा।। 
 लगि लगि कान कहहिं धुनि माथा। अब सुर काज भरत के हाथा।।
 आन उपाउ न देखिअ देवा। मानत रामु सुसेवक सेवा।। 
 हियँ सपेम सुमिरहु सब भरतहि। निज गुन सील राम बस करतहि।।

दोहा/सोरठा
सुनि सुर मत सुरगुर कहेउ भल तुम्हार बड़ भागु। 
 सकल सुमंगल मूल जग भरत चरन अनुरागु।।265।।


चौपाई
 सीतापति सेवक सेवकाई। कामधेनु सय सरिस सुहाई।। 
 भरत भगति तुम्हरें मन आई। तजहु सोचु बिधि बात बनाई।।
 देखु देवपति भरत प्रभाऊ। सहज सुभायँ बिबस रघुराऊ।। 
 मन थिर करहु देव डरु नाहीं। भरतहि जानि राम परिछाहीं।।
 सुनो सुरगुर सुर संमत सोचू। अंतरजामी प्रभुहि सकोचू।। 
 निज सिर भारु भरत जियँ जाना। करत कोटि बिधि उर अनुमाना।।
 करि बिचारु मन दीन्ही ठीका। राम रजायस आपन नीका।। 
 निज पन तजि राखेउ पनु मोरा। छोहु सनेहु कीन्ह नहिं थोरा।।

दोहा/सोरठा
कीन्ह अनुग्रह अमित अति सब बिधि सीतानाथ। 
 करि प्रनामु बोले भरतु जोरि जलज जुग हाथ।।266।।


Ram Charit Manas - English
चौपाई
 sura gana sahita sabhaya surarājū. sōcahiṃ cāhata hōna akājū.. 
 banata upāu karata kachu nāhīṃ. rāma sarana saba gē mana māhīṃ..
 bahuri bicāri paraspara kahahīṃ. raghupati bhagata bhagati basa ahahīṃ. 
 sudhi kari aṃbarīṣa durabāsā. bhē sura surapati nipaṭa nirāsā..
 sahē suranha bahu kāla biṣādā. narahari kiē pragaṭa prahalādā.. 
 lagi lagi kāna kahahiṃ dhuni māthā. aba sura kāja bharata kē hāthā..
 āna upāu na dēkhia dēvā. mānata rāmu susēvaka sēvā.. 
 hiyaom sapēma sumirahu saba bharatahi. nija guna sīla rāma basa karatahi..

चौपाई
 sītāpati sēvaka sēvakāī. kāmadhēnu saya sarisa suhāī.. 
 bharata bhagati tumharēṃ mana āī. tajahu sōcu bidhi bāta banāī..
 dēkhu dēvapati bharata prabhāū. sahaja subhāyaom bibasa raghurāū.. 
 mana thira karahu dēva ḍaru nāhīṃ. bharatahi jāni rāma parichāhīṃ..
 sunō suragura sura saṃmata sōcū. aṃtarajāmī prabhuhi sakōcū.. 
 nija sira bhāru bharata jiyaom jānā. karata kōṭi bidhi ura anumānā..
 kari bicāru mana dīnhī ṭhīkā. rāma rajāyasa āpana nīkā.. 
 nija pana taji rākhēu panu mōrā. chōhu sanēhu kīnha nahiṃ thōrā..