जा दिन मन पंछी उड़ जैहैं जा दिन मन पंछी उड़ जैहैं ता दिन तेरे तनु तरवर के सबै पात झरि जैहैं, जा दिन मन पंछी उड़ जैहैं... या देही को गरब न करिये स्यार काग गिध खैहैं, जा दिन मन पंछी उड़ जैहैं... तीन नाम तन विष्ठा कृमि ह्वै नातर खाक उडैहैं, जा दिन मन पंछी उड़ जैहैं... कहं वह नीर कहं वह सोभा कहं रंग रूप दिखैहैं, जा दिन मन पंछी उड़ जैहैं... जिन लोगन सों नेह करतु है तेई देखि घिनैहैं, जा दिन मन पंछी उड़ जैहैं... घर के कहत सबारे काढो भूत होय घर खैहैं, जा दिन मन पंछी उड़ जैहैं... जिन पुत्रनहिं बहुत प्रीति पारेउ देवी देव मनैहैं, जा दिन मन पंछी उड़ जैहैं... तेइ लै बांस दयौ खोपरी में सीस फाटि बिखरैहैं, जा दिन मन पंछी उड़ जैहैं... जहूं मूढ करो सतसंगति संतन में कछु पैहैं, जा दिन मन पंछी उड़ जैहैं... नर वपु धारि नाहिं जन हरि को यम की मार सुखैहैं, जा दिन मन पंछी उड़ जैहैं... सूरदास भगवंत भजन बिनु, बृथा सु जन्म गंवैहैं, जा दिन मन पंछी उड़ जैहैं... जा दिन मन पंछी उड़ जैहैं ja din man panchhi ud jaihain ja din man panchhi ud jaihain ta din tere tanu taravar ke sabai paat jhari jaihain, ja din man panchhi ud jaihain... ya dehi ko garab n kariye syaar kaag gidh khaihain, ja din man panchhi ud jaihain... teen naam tan vishtha krimi havai naatar khaak udaihain, ja din man panchhi ud jaihain... kahan vah neer kahan vah sobha kahan rang roop dikhaihain, ja din man panchhi ud jaihain... jin logan son neh karatu hai tei dekhi ghinaihain, ja din man panchhi ud jaihain... ghar ke kahat sabaare kaadho bhoot hoy ghar khaihain, ja din man panchhi ud jaihain... jin putrnahin bahut preeti paareu devi dev manaihain, ja din man panchhi ud jaihain... tei lai baans dayau khopari me sees phaati bikharaihain, ja din man panchhi ud jaihain... jahoon moodh karo satasangati santan me kchhu paihain, ja din man panchhi ud jaihain... nar vapu dhaari naahin jan hari ko yam ki maar sukhaihain, ja din man panchhi ud jaihain... sooradaas bhagavant bhajan binu, bartha su janm ganvaihain, ja din man panchhi ud jaihain... ja din man panchhi ud jaihain SOURCE: http://www.yugalsarkar.com/lyrics/जा-दिन-मन-पंछी-उड़-जैहैं-Lyrics